شجاع آباد تھانہ صدر کے علاقے مسوان والی پُل کے نزدیک ایک ملزم اپنے ہی ساتھیوں کی فائرنگ سے زخمی ہوگیا۔ اُسے علاج کے لیے اسپتال میں داخل کردیا گیا ہے۔

شاہد عرف جنید شوٹر کو پولیس برآمدگی کے بعد واپس لایا جارہا تھا کہ مسوان پُل کے نزدیک تین نامعلوم مسلح افراد نے اپنے ساتھی کو چُھڑوانے کی غرض سے پولیس پر فائرنگ کردی۔

زیرِحراست ملزم اپنے ہی ساتھیوں کی فائرنگ کی زد میں آکر زخمی ہوگیا۔ پولیس پر حملہ کرنے والے ملزمان اندھیرے کا فائدہ اٹھاتے ہوئے فرار ہوگئے۔ علاقے کی ناکہ بندی کروادی گئی ہے۔ ملزمان کی گرفتاری کے لیے بھرپور کارروائی کی جارہی ہے۔

زیرِ حراست ملزم تھانہ صدر شجاع آباد، راجہ رام اور شاہ شمس تھانہ میں قتل، اقدام قتل، پولیس مقابلوں، ڈکیتی، اور واردات کے دوران قتل سمیت 18 ملزمان میں مطلوب ہے۔ وقوعہ کا مقدمہ تھانہ صدر شجاع آباد میں درج کرکے مزید کارروائی کی جارہی ہے۔