پشاور میں گورنمنٹ گرلز پرائمری اسکول چغل پورہ میں کلاس روم میں پنکھا گر گیا۔ پنکھا گرنے سے طالبات میں خوف و ہراس پھیل گیا۔

اسکول ذرائع کے مطابق پنکھا تیسری جماعت میں پڑھانے والی استانی کے سر پر گرا، جس سے ٹیچر کے سر پر چھوٹ آئی، اور کان بھی شدید زخمی ہوا۔

ذرائع کے مطابق اسکول کی عمارت 1916 میں بنائی گئی تھی، جس کی دیواریں گرنے کی قریب معلوم ہوتی ہیں۔

ایس ڈی ای او سرکل چغل پورہ پشاور شمیم اختر کا مؤقف

شمیم اختر کا کہنا ہے کہ ٹیچر کو اسپتال منتقل کردیا گیا، محکمہ کو واقعے سے آگاہ کردیا گیا۔

ان کا مزید کہنا تھا کہ اسکول کی عمارت خستہ حال ہے، رینوویشن کے لیے سمری بھیجی ہے۔