راولپنڈی: پی ٹی آئی رہنما شیر افضل نے کہا ہے کہ عمران خان کی آزادی والے جس ایجنڈے پر نکلا تھا وہ ایجنڈ آج ختم ہو گیا، یہ اپنے بیانات دے دیں پھر ان کا کچا چٹھا کھولوں گا، (پی ٹی آئی) جماعت ایک مردہ گھوڑا بن چکی تھی

اڈیالہ جیل کے باہر صحافیوں سے گفتگو کرتے ہوئے انہوں نے کہا کہ میں تو الیکشن بھی نہیں لڑنا چاہتا تھا لیکن عمران خان کے کہنے پر انتخابات میں حصہ لیا، ہر معاملے پر عمران خان کو گمرہ کیا گیا ہے۔

احتجاجاً اعلان کرتا ہوں کہ ان کے ساتھ کام نہیں کروں گا

انہوں ںے کہا کہ میرا بھائی کے پی کی کابینہ میں تھا اچانک ڈی نوٹیفائی کردیا گیا، میرے بھائی کو نہیں رکھنا تھا تو بتا دیتے وہ استعفی دے دیتا، میں احتجاجاً اعلان کرتا ہوں کہ ان کے ساتھ کام نہیں کروں گا۔

شیر افضل نے الزام لگایا کہ شبلی فراز ،عمر ایوب نے بانی پی ٹی آئی سے ملاقات نہیں کرنے دی، میرےاپنےلوگ ہماری ٹانگیں کھینچ رہے ہیں۔

شیرافضل مروت نے کہا کہ مجھے اس ریس سے آوٹ سمجھیں مجھے چئیرمین نہ بنائیں، یہ جماعت ایک مردہ گھوڑا بن چکی تھی، اپنی ذات کی بے توقیری کسی صورت قبول نہیں کروں گا۔