صدر مملکت آصف زرداری بلوچستان کے سرکاری دورے پر کوئٹہ پہنچ گے، کوئٹہ ائیرپورٹ پرگورنر بلوچستان، وزیراعلیٰ سرفرازبگٹی، صوبائی وزرا اوراراکین اسمبلی نے صدر کا استقبال کیا۔

صدر مملکت منصب سنبھالنے کے بعد بلوچستان کے پہلے تین روزہ دورے پر کوئٹہ پہنچ گے۔

صدر آصف علی زرداری سے وزیر اعلیٰ بلوچستان سرفراز بگٹی نے ملاقات کی، ملاقات میں صوبائی وزرا سمیت پیپلز پارٹی کے قائدین بھی شریک ہیں۔ ملاقات میں مختلف امور پر تبادلہ خیال کیا گیا۔

تین روزہ دورے کے دوران صدرمملکت کے اعزاز میں وزیرِاعلٰی بلوچستان عشائیہ دیں گے۔ جبکہ بلوچستان میں امن و امان کی مجموعی صورتحال پر صدرمملکت کو بریفنگ بھی دی جائے گی۔

صدرکو بلوچستان میں ترقیاتی منصوبوں کے حوالے سے بھی آگاہ کیا جائے گا، صدر مملکت بلوچستان کی صوبائی اسمبلی کے نو منتخب ممبران سے بھی ملاقات کریں گے ۔

صدرمملکت کے اعزاز میں وزیرِ اعلٰی بلوچستان عشائیہ بھی دیں گے۔