پشاورمیں ایک شہری نے بینک حکام کو بھی چونا لگا دیا اورمبینہ طور پرساڑھے پانچ کروڑ روپے کی جعلی کرنسی بینک میں جمع کروادی۔

ایف آئی اے لاہور نے پشاور کے رہائشی ہارون کو لاہور سے گرفتار کرلیا۔ ذرائع کے مطابق ملزم ہارون نے پانچ کروڑ بیاسی لاکھ پشاور کے نجی بینک میں 27 اپریل کو جمع کرائے۔

کراچی، جعلی کرنسی نوٹ کا کاروبار کرنیوالے ملزمان کے اہم انکشافات

تفصیلات کے مطابق ملزم نے 29 اپریل کو لاہور سے 50 لاکھ روپے کیش کروائے، ملزم ہارون نے مزید دو کروڑ روپے کیش کروانے کےلئےڈرافٹ تیارکروایا۔

بعدازاں پشاور بینک کی اطلاع پر لاہور کے سندرداس روڈ پر واقع بینک کے برانچ مینجر نےملزم ہارون کو گرفتار کرایا۔ بینک حکام کےمطابق پشاور میں جمع کرائی گئی رقم جعلی تھی، ملزم پرانا کسٹمر تھا اس لئے موقع پرکرنسی نوٹ چیک نہیں کئے۔

پیپلز بس سروس میں جعلی نوٹ چلانے والی خواتین کو قید کی سزائیں

ملزم ہارون نےکہا دو دن بعد بینک کے عملے کو خیال آیا کہ نوٹ جعلی ہیں، موقع پر بینک عملہ کو متعدد بار کرنسی چیک کرنےکا کہا، بینک حکام کی تسلی کےبعد گھر روانہ ہوا۔