متحدہ عرب امارات میں حالیہ طوفانی بارشوں نے بڑے پیمانے پر تباہی مچائی ہے۔ ایسے میں تباہ شدہ مکانوں کا بہت سا سامان بہتا ہوا سڑکوں پر بھی آگیا۔

شارجہ کے ایک باشندے کو 1960 کی دہائی کی ایک کولڈ ڈرنک بوتل ملی ہے جو کھولی نہیں گئی تھی۔ اس پر برانڈ کا نام عربی میں بھی لکھا ہوا ہے۔

بوتل میں بند مشروب سلامت ہے اور اس پر چپکا ہوا پروڈکٹ کی تفصیل کا ریپر بھی سلامت ہے۔ ثقافت میں غیر معمولی دلچسپی لینے والے محقق علی راشد الکتبی نے بارشوں کے بعد جب بہت سے علاقوں کا ملبہ کھنگالنا شروع کیا تو دبئی ریفریشمنٹ کمپنی کی بنائی ہوئی یہ بوتل ہاتھ لگی۔

علی راشد الکتبی نے بتایا کہ طوفانی بارشوں کے نتیجے میں یو اے ای میں جو تباہی واقعو ہوئی اس کے نتیجے میں اچھا خاصا ملبہ سڑکوں پر آگیا اور اس میں بہت سی قیمتی چیزیں بھی لوگوں کو ملی ہیں۔ ان میں بعض نادر اشیا بھی شامل ہیں۔