حال ہی میں اداکارہ حنا آفریدی ایک یوٹیوب شو میں نظر آئیں، جس کی میزبانی رابعہ مغنی نے کی۔ شو میں انہوں نے اپنی شادی کے بارے میں بات کی۔ انہوں نے طلاق کے بڑھتے ہوئے تناسب پر بھی اپنی رائے کا اظہار کیا۔

لائف پارٹنر کے انتخاب کے حوالے سے بات کرتے ہوئے حنا آفریدی کا کہنا تھا کہ وہ محبت کی شادی کو ترجیح دیں گی۔ کیونکہ آپ کے لائف پارٹنر کے بارے میں جاننا ضروری ہے۔

ان کا کہنا تھا کہ وہ چاہتی ہیں کہ ان کا لائف پارٹنر ان کے کام کی نوعیت کو سمجھے، جہاں انہیں کبھی کبھی رات دیر تک کام سے آنا پڑتا ہے۔

انہوں نے یہ بھی کہا کہ اسے ان کی فطرت کے بارے میں اندازہ ہونا چاہئے۔ ساتھ ہی حنا کا کہنا تھا کہ، ان کے لیے بھی ضروری ہے کہ وہ اپنے شوہر پر بھروسہ کریں۔

انہوں نے کہا کہ انہوں نے اپنے والدین کے درمیان بہت مثبت اور محبت بھرا رشتہ دیکھا ہے اور یہی وجہ ہے کہ انہیں اپنے مستقبل کے شریک حیات سے زیادہ توقعات ہیں۔

انہوں نے کہا کہ انہیں محبت اور احترام کی ضرورت ہے کیونکہ پیسہ دونوں ہی کما سکتے ہیں۔

طلاق کے حوالے سے بات کرتے ہوئے حنا آفریدی کا کہنا تھا کہ، طلاق کے حوالے سے میری ملی جلی رائے ہے، یہ ناکامی بھی ہوسکتی ہے اور یہ آزادی بھی ہو سکتی ہے۔ میں ففٹی ففٹی کہوں گی، کیونکہ اگر کسی نے ایک ظالم شوہر ہونے کی وجہ سے طلاق سے چھٹکارا پا لیا ہے، تو یہ ایک آزادی ہوگی۔ تاہم، اگر کوئی لڑکی اپنے شوہر کو اپنی انا میں چھوڑ دیتی ہے تو یہ ناکامی ہوگی۔

حنا آفریدی ایک شاندار پاکستانی اداکارہ ہیں۔ ان کا تعلق پشتو خاندان سے ہے۔ انہوں نے اپنے ٹیلی ویژن کیریئر کا آغاز ڈرامہ سیریل ”پہلی سی محبت“ سے کیا تھا۔

بنیادی طور پرحنا آفریدی نے اپنے کیریئر کا آغاز بیوٹی بلاگر کے طورپرکیا اور بعد میں انہوں نے ماڈلنگ میں قدم رکھا۔ انہوں نے بہت سے برانڈز کے لئے ایک ماڈل کے طورپرکام کیا۔

”پہلی سی محبت“ میں ان کے کردار ”بشریٰ“ نے بہت شہرت حاصل کی۔ وہ فی الحال ”اکھاڑہ“ میں اپنے کردار ”ریشما“ کے لئے تعریف وصول کر رہی ہیں۔ مداحوں نے انہیں اسامہ خان کے ساتھ ”کچا دھاگا“ میں بھی پسند کیا۔