بھارت کی ریاست پنجاب کے شہر امرتسر میں ایک شخص نے گھریلو جھگڑے کے بعد حاملہ بیوی کو بستر سے باندھ کر جلا ڈالا۔ سُکھ دیو واردات کے بعد بھاگ گیا۔

پولیس نے بتایا کہ پنکی اور سُکھ دیو میں آئے دن جھگڑا ہوتا رہتا تھا۔ جمعہ کو گھر میں جھگڑے کے دوران سُکھ دیو نے مشتعل ہوکر پنکی کو، جو 6 ماہ کی حاملہ تھی، بستر سے باندھ کر آگ لگادی جس کے نتیجے میں اُس نے موقع ہی پر دم توڑ دیا۔

الٹرا ساؤنڈ رپورٹس کے مطابق اُس کے ہاں ڈھائی ماہ بعد جڑوا بچوں کی ولادت متوقع تھی۔