کراچی میں ایم کیوایم کی بزرگ خاتون رکن سے لوٹ مار کرنے والے دو بھائیوں سمیت 16 ملزمان کو گرفتار کرلیا گیا۔

ایس ایس پی سینٹر ذیشان شفیق کا کہنا ہے کہ ضلع وسطی میں اسٹریٹ کرائم میں ملوث چار گینگ کے سولہ ملزمان کو گرفتارکیاگیا ہے۔

کراچی میں ایس ایس پی سینٹرل ذیشان شفیق نے پریس کانفرنس کرتے ہوئے بتایا کہ ڈسٹرکٹ سینٹرل میں پولیس نےمختلف کارروئیاں کیں جس کے نتیجے میں خواتین سےلوٹ مارکرنےوالے2بھائی گرفتارکئےہیں۔

ایس ایس پی سینٹرل نے بتایا کہ گرفتار ملزمان نےایم کیوایم کی خاتون رہنما سےلوٹ مارکی تھی، گروہ لیاقت آباد،اطراف میں خواتین سےچھیناجھپٹی کرتاتھا ملزمان شاہزیب،شایان بزرگ خواتین سےوارداتیں کرتے تھے۔

ایس ایس پی سینٹرل ذیشان شفیق کے مطابق اسٹریٹ کرمنلزکے4گینگ کے16ملزمان گرفتارکرلئےگئے جن میں نیوکراچی میں نئی موٹرسائیکلیں چھیننےوالے6ملزمان ، درجنوں وارداتوں میں ملوث موٹاگینگ کے4ملزمان ، موٹرسائیکل لفٹنگ میں ملوث4ملزمان کو گرفتار کیاگیا۔ ملزمان سے23موٹرسائیکلیں،2درجن سےزائد موبائل فونزبرآمد ہوئے۔

واضح رہے کہ ایم کیو ایم پاکستان کی مرکزی ایڈہاک کمیٹی کی رکن شاہینہ سہیل کو ناظم آباد میں لوٹا لیا گیا تھا ، موٹر سائیکل سوار ملزمان ان سے پرس چھین کر فرار ہوگئے تھے۔