اسلام آباد ہائیکورٹ نے سابق خاتون اول بشریٰ بی بی کی بنی گالہ سےاڈیالہ جیل منتقلی کی درخواست بحال کردی ہے۔

بانی پاکستان تحریک انصاف کی اہلیہ بشریٰ بی بی کی سب جیل بنی گالہ سے اڈیالہ جیل منتقلی سے متعلق منسوخ ہونے والے درخواست کی بحالی کیلئے دائر اپیل پر آج جسٹس میاں گل حسن اورنگزیب نے سماعت کی۔

اسلام آباد ہائیکورٹ نے بحالی کی درخواست متفرق طور پر منظور کرتے ہوئے پیر 22 اپریل کو حتمی دلائل طلب کرلئے۔

واضح رہے کہ اسلام آباد ہائی کورٹ نے چند روز قبل عدم پیروی پر درخواست خارج کر دی تھی، سابق خاتون اول بشریٰ بی بی کے وکلاء بیرسٹر سلمان صفدر، عثمان ریاض گِل اور خالد یوسف چودھری نے منسوخ ہونے والی درخواست بحالی کیلئے ایک روز قبل اپیل دائر کی تھی۔