کراچی میں درخشاں تھانےمیں زیر حراست ملزم کی پراسرارموت کی گتھی سلجھ گئی ۔ ملزم معیزکی لاش کاپوسٹ مکمل کرلیاگیا۔ پوسٹ مارٹم میں ملزم پر تشدد کی تصدیق ہو گئی۔

پوسٹ مارٹم رپورٹ کے مطابق ملزم معیز کی ہلاکت تشدد سےہوئی، معیزکےجسم پر متعدد زخموں کے نشانات پائے گئے۔

لیڈی سرجن ڈاکٹر سمعیہ کے مطابق ملزم کی موت طبعی نہیں ہے بلکہ تشدد سے ہلاکت ہوئی، ڈی این اے کیلئے نمونےحاصل کر لئے گئےہیں۔

ملزم کی لاش پوسٹمارٹم کے بعدلاش سرد خانے منتقل کردی گئی ہے۔

واضح رہے کہ ملزم معیزکو پیر کی رات گرفتارکیا گیاتھا، ملزم پربھتہ خوری،جعلسازی سمیت4مقدمات درج تھے۔ جبکہ پولیس نے دعویٰ کیا تھا کہ ملزم دل کا دورہ پڑنے سے جاں بحق ہواہے۔