وزیرِاعظم شہبازشریف کو کویت کے ہم منصب شیخ محمد صباح السالم الصباح نے فون کرکے عید کی مبارکباد دی اور کویتی وزیرِاعظم نے پاکستان کے ساتھ تعاون کو مزید فروغ دینے کی خواہش کا اظہار بھی کیا۔

تفصیلات کے مطابق وزیراعظم پاکستان شہبازشریف کو کویت کے وزیراعظم شیخ محمد صباح السالم الصباح نے ٹیلی فون کیا اور دونوں رہنماؤں کے درمیان عید الفطر کی مبارکباد کا تبالہ ہوا۔

ٹیلی فونک گفتگو کے دوران وزیراعظم نے کویتی قیادت کی جانب سے تہنیتی پیغام کا ذکر کرتے ہوئے کویتی وزیراعظم کو شکریہ کا پیغام دیا۔

شہبازشریف نے پاک کویت دوطرفہ تعلقات کی مضبوطی کو باہمی طورپرمفید شراکت داری میں بدلنے کے عزم کا اعادہ کیا۔

وزیراعظم شہبازشریف نے اقتصادی اور تجارتی تعاون کے فروغ کی ضرورت پر زور دیا۔

دونوں رہنماؤں نے پاکستان اور کویت کے عوام کی سلامتی اور خوشحالی کی دعا کی، دونوں نے امت مسلمہ کے مابین بھائی چارے اور فلسطینی بہن بھائیوں پر جاری اسرائیلی ظلم و جبر کے خاتمے کی دعا بھی کی۔

کویت کے وزیرِاعظم نے پاکستان کے ساتھ تعاون کو مزید فروغ دینے کی خواہش کا اظہار کیا۔

مزید پڑھیں

صدر اور وزیر اعظم سمیت سیاسی رہنماؤں نے کہاں عید کی نماز ادا کی

وزیرِ اعظم شہباز شریف اور عالمی رہنماؤں میں رابطے، عید کی مبارکباد

صدر مملکت اور وزیراعظم کے درمیان ٹیلی فونک رابطہ