کراچی میں گرمی کی شدت میں اضافے کے پیش نظر محکمہ موسمیات نے لوگوں کو خبردار کیا ہے کہ وہ دن کے وقت غیر ضروری طور پر گھر سے باہر نہ نکلیں۔

محکمہ موسمیات کے مطابق شہر قائد میں موسم گرم اور مرطوب رہے گا۔

مرطوب موسم کی وجہ سے گرمی کی شدت زیادہ محسوس کی جائے گی۔

سندھ کے دیگر اضلاع میں آج سے 10 اپریل تک موسم شدید گرم رہنے کی پیش گوئی کی گئی ہے۔

سندھ کے بالائی اور وسطی اضلاع میں آنے والے دنوں میں پارہ 41 ڈگری تک جانے کا امکان ہے۔

محکمہ موسمیات کا کہنا ہے کہ 11 اپریل سے گرمی کی شدت میں کمی آئے گی۔