منچن آباد، وہاڑی اور پشین میں ڈکیتی کی 3 وارداتیں اور 2 مقابلوں میں 3 ڈاکو ہلاک اور ایک شہری جاں بحق ہوگیا۔

پشین میں کلی لمڑان میں درزی اور ڈاکوؤں کے درمیان فائرنگ کا تبادلہ ہوا۔

پولیس کے مطابق فائرنگ سے ٹیلر جاں بحق ہوگیا جبکہ ڈاکو بھی مارا گیا۔

ریسکیو ذرائع نے لاشوں کو اسپتال منتقل کیا۔

دوسری طرف وہاڑی میں مبینہ پولیس مقابلے میں 2 ڈکیت ہلاک ہوگئے۔

پولیس کا کہنا ہے کہ ملزمان قتل، ڈکیتی سمیت 34 سنگین مقدمات میں ریکارڈ یافتہ تھے، ملزمان نے ملک جواد لنگڑیال ایڈووکیٹ کا قتل کیا تھا۔

منچن آباد میں ڈکیتی کی 3 وارداتیں ہوئیں اور ڈکو فرار ہوگئے۔

ڈاکوؤں نے سب سے پہلے سردار گڑھ کے قریب شہری کو رقم اور موبائل سے محروم کردیا۔

دودھ فروش سے بھی رقم اور موبائل فون چھین لیا گیا جب کہ اچاڑکی کے قریب ڈاکوؤں نے غوث نام شہری کو لوٹ لیا۔