کراچی کے علاقے ناظم آباد نمبر دو جامع مسجد مصطفی کے قریب تعمیرات کی غرض سے لائی گئیں اینٹوں نے بچے کی جان لے لی۔

پولیس کے مطابق گلی میں تعمیرات کی غرض سے لائے گئے سمینٹ کے بلاک رکھے تھے جن پر بچے کھیل رہے تھے کہ اچانک کھیل کود کے دوران دو بچے بلاکس پر چڑھے اور اس دوران توازن بگڑنے پر گر پڑے۔

اینٹیں بچوں کے سر پر گرنے سے ایک بچہ جاں بحق جبکہ دوسرا بچہ زخمی ہو گیا۔

جاں بحق ہونے والے بچے کی شناخت 6 سالہ شاہ زین کے نام سے ہوئی ہے جبکہ زخمی ہونے والےحسین کی عمر 8 سال ہے۔

اسپتال انتظامیہ کے مطابق کچھ بلاکس بچوں کے اوپر بھی گرے جس سے ان کے سروں پر چوٹیں آئیں، حادثے کے نتیجے میں ایک بچہ جاں بحق دوسرا شدید زخمی ہوا۔