پاکستان ایکس سروس مین سوسائٹی کے صدر لیفٹیننٹ جنرل ریٹائرڈ عبد القیوم نے راولپنڈی میں پریس کانفرنس کرتے ہوئے کہا کہ کہ امریکہ نے سب سے زیادہ خطرہ چائنہ کو قرار دیا۔

لیفٹیننٹ جنرل ریٹائرڈ عبد القیوم نے کہا کہ افغانستان کیساتھ ہماری ہمدردیاں ہیں افغانستان کو بین الاقوامی برادری نے بھی تسلیم نہیں کیا جس سے مسائل بڑے انڈیا کو چائنہ کیخلاف کھڑا کرنے کی سازش امریکہ کر رہا ہے۔

پاکستان ایکس سروس مین سوسائٹی کے صدر نے پریس کانفرنس میں بتایا کہ داسو ڈیم اب تکمیل کے مراحل میں ہے۔ 2025 میں چار ہزارمیگا واٹ بجلی ملے گی۔ داسو ڈیم پر 700ملین ڈالرز خرچ ہو چکے ہیں۔

لیفٹیننٹ جنرل ریٹائرڈ عبد القیوم کا مزید کہنا تھا کہ کہ دہشتگردی کی لہربڑھی ہے، 2021 کی نسبت 2023 میں ہمارے زیادہ نوجوان شہید ہوئے، پاکستان دنیا کے نقشے میں ایک مضبوط ملک ہے پاکستانی بھائی ہمارے ہیں ہمیں اپنا ملک عزیز ہے۔ ہم اپنی افواج کیلئے ہر وقت تیار ہیں گوادر بندر گاہ پر پانچ چینی انجینیر کی جانوں پر افسوس ہے ۔

نو مئی کے حوالےس ے بات کرتے ہوئے پاکستان ایکس سروس مین سوسائٹی کے صدر کا کہنا تھا کہ نو مئی واقعہ میں ملوث لوگوں کو ابھی تک سزا نہیں ملی، ہم 9 مئی کو اپنی افواج کیساتھ اظہار یکجتی کرینگے۔