لاہور ہائیکورٹ اپیلیٹ ٹریبونل نے پی پی 32، سے پرویز الٰہی کے کاغذات نامزدگی کی منظوری کی اپیل پرفیصلہ محفوظ کر لیا ہے۔

وکیل اپیل کنندہ نے موقف اختیار کیا کہ جس پراپرٹی کی بات کی جا رہی ہے، ہم اسے تسلیم ہی نہیں کرتے، یہ پراپرٹی ریاست اپنے پاس ہی رکھ لے۔

جبکہ سرکاری وکیل کا کہنا تھا کہ پرویز الہی نے اپنی زوجہ کی پراپرٹی بھی ظاہر نہیں کی۔

جس پر وکیل اپیل کنندہ نے کہا کہ ہم ایسی کسی پراپرٹی سے واقف نہیں۔ دوسری جانب سرکاری وکلا نے عدالت میں دستاویزات پیش کر دیے۔

دوران سماعت جسٹس شاہد کریم نے ریمارکس دیتے ہوئے کہا کہ یہ تو وراثتی پراپرٹی ہے۔

اپیلیٹ ٹریبونل کے جج جسٹس شاہد کریم نے اپیل پر سماعت کی ہے۔ جبکہ سمیرا الہیٰ کے پی پی 32 سے کاغذات منظوری کیلئے اپیل پر سماعت ہوئی۔

اپیلیٹ ٹریبونل کے جج جسٹس شاہد کریم نے فیصلہ محفوظ کر لیا ہے۔ تاہم اپیل کنندہ نے استدعا کی کہ ٹریبونل ریٹرننگ افسرکا فیصلہ کالعدم قرار دے۔