یومِ پاکستان کی تقریب میں شرکت پر چینی وزیر خارجہ لن جیان نے پریس کانفرنس میں اپنے موقف کا اظہار کیا کہ ہندوستان اور چین کے درمیان سرحد کبھی طے نہیں ہوئی، چینی علاقہ زنگنان بھارت کے غیر قانونی قبضے سے پہلے بھی ہمیشہ چین کا حصہ رہا ہے۔

چینی وزیر خارجہ نے بتایا کہ چین کے پاس اس خطے میں ایک موثر انتظامیہ رہی ہے اور یہ ناقابل تردید حقیقت ہے، 1987 میں ہندوستان نے اس مقبوضہ علاقے پر نام نہاد اروناچل پردیش قائم کیا، ہم نے بھارت کے اقدامات کے خلاف سخت بیانات جاری کیے ہیں، کارروائی غیر موثر ہے اور چین کے اس موقف میں کوئی تبدیلی نہیں کی گئی ہے۔

پریس بریفنگ کے دوران وزیر خارجہ لن جیان کا کہنا تھا کہ تھا پاکستانی فوج کی دعوت پر، پیپلز لبریشن آرمی کے دستے نے پریڈ میں شرکت کی، جس سے عسکری تعلقات کے ایک نئے رنگارنگ باب کا آغاز ہوا ہے۔

چینی وزیر خارجہ نے سیسہ پلائی دیوار کی مانند پاکستان کے لیے نیک خواہشات کا اظہار کیا کہا کہ چین کے فوجی دستے کی پریڈ نے دونوں ممالک کے درمیان منفرد رشتے کی عکاسی کی ہے۔