بلوچستان میں سینیٹ انتخاب کیلئے صوبے کی پارلیمانی جماعتوں نے حکمت عملی تیار کر لی ہے، سینیٹ انتخاب میں تمام 11سینیٹر ز کو اتفاق رائے سے منتخب کرایا جائے گا۔

11 نشستوں پر پی پی پی کے تین اے این پی اور نیشنل پارٹی کے ایک، ایک امیدوار کو کامیاب بنایا جائے گا، جبکہ مسلم لیگ(ن) ،جے یو آئی اور بی اے پی کے امیدواروں کا فیصلہ چندروز میں کرلیا جائے گا۔

ذرائع کا کہنا ہے کہ اس حوالے سے ذمہ داریاں اسپیکر سردار ایاز صادق کو تفویض کردی گئی ہیں۔ بلوچستان میں سینیٹ کی گیارہ نشستوں پرانتخاب دو اپریل کو ہوگا۔