خیبر پختونخوا کے مشیر اطلاعات بیرسٹر محمد علی سیف نے وزیراعلیٰ پنجاب مریم نواز کا پنجاب پولیس آفیسرز تعیناتی کیلئے انٹرویو اور اڈیالہ جیل کی صورتحال پر ردعمل دیتے ہوئے کہا کہ اڈیالہ جیل سے کبھی اسلحہ تو کبھی بارودی مواد بر آمد ہوتا ہے، جنرل رانی کی آمرانہ حکومت کے تحت بانی پی ٹی آئی عمران خان کی زندگی کو خطرہ ہے۔

بیرسٹر سیف کا مزید کہنا تھا کہ عمران خان سمیت چوہدری پرویز الٰہی و دیگر رہنماؤں کی زندگیوں کو خطرات لاحق ہیں۔ اگر عمران خان کو کچھ نقصان پہنچا تو براہ راست زمہ داری جنرل رانی پرعائد ہوگی۔

بیرسٹر سیف نے کہا کہ جنرل رانی نے پنجاب میں پولیس آفیسرز کو تعینات کرنے کے لیے انٹرویوز کیں جس کا مقصد عمران خان اور پارٹی رہنماوں کے گرد گھیرا تنگ کرنا ہے، مریم نواز اپنا من پسند پولیس افسران کو تعینات کرنا چاہتی ہے۔ جنرل رانی راولپنڈی آر پی او پر خصوصی توجہ دے رہی ہے۔

پشاور: بیرسٹر سیف کا کہنا تھا کہ مینڈیٹ چور وزیر اعلی پنجاب سازشی ٹولے کیساتھ ملکر پی ٹی آئی کے خلاف جو منصوبہ بندی کررہی ہے وہ سب کچھ والد کی ہدایات پر کررہی ہیں۔