سنی اتحاد کونسل کے امیدوار نے مسلم لیگ (ن) کے رہنما اور وزیر خزانہ اسحاق ڈار کے کاغذات نامزدگی چیلنج کردیے۔

سنی اتحاد کونسل کے امیدوار انصر کیانی نے اسحاق ڈار کے کاغذات نامزدگی چیلنج کردیے ہیں، اعتراض لگایا گیا کہ اسحاق ڈار کی سینٹ کی نشست پر کاغذات نامزدگی میں قانونی سقم ہیں، کاغذات نامزدگی میں سقم ہو تو کاغذات نامزدگی منظور نہیں ہوسکتے۔

درخواست میں استدعا کی گئی کہ الیکشن کمیشن اسحاق ڈار کے کاغذات نامزدگی کو مسترد کرے۔

سنی اتحاد کونسل کے امیدوار انصر کیانی نے اپیلٹ ٹربیونل کی بجائے الیکشن کمیشن میں اعتراض دائر کیا۔

واضع رہے کہ اسلام آباد کی 2 نشستوں کے لیے اپیلٹ ٹربیونل جسٹس ثمن رفعت آغا ہیں اور امیدواروں کے خلاف اپیلٹ ٹربیونل میں اعتراض دائر کرنے کا آج آخری روز ہے۔