کندھ کوٹ میں استاد سمیت7 افراد کے قاتلوں کی گرفتاری کے لیے احتجاجی دھرنا دے دیا گیا ہے۔

ذرائع کے مطابق بخشاپورانڈس ہائی وے پر بنگوار، ڈومکی، جکھرانی برادری کی جانب سے دھرنا دیا گیا ہے۔

احتجاجی میں دھرنے میں برادری کے افراد کی بڑی تعداد کی جانب سے شرکت کی گئی ہے۔

دوسری جانب دھرنے کے باعث ٹریفک کی آمدورفت معطل ہو گئی ہے، ٹریفک جام ہونے سے مسافروں کو شدید پریشانی کا سامنا ہے۔

مظاہرین کا موقف ہے کہ 3 ہفتے قبل ڈاکوؤں نے استاد مرادعلی بنگوارکو قتل کیا تھا۔

جبکہ مطالبہ کرتے ہوئے مظاہرین کا کہنا ہے کہ جب تک قاتل گرفتارنہیں ہوں گے، دھرنا جاری رہےگا۔