نوشہرہ کے علاقہ نظام پور میں چوری کی انوکھی واردات، ڈاکوؤں نے رات کے اندھیرے میں چوری کی واردات کے بعد گھر میں آگ لگا دی۔

چوری کا واقعہ مہتاب رحیم نامی شخص کے گھر میں گزشتہ رات پیش آیا، ملزمان نے متاثرہ گھر سے لاکھوں روپے کی نقدی اور 5 لاکھ روپے کا سریا چوری کرکے لے اڑے۔

چوروں نے جاتے جاتے گھر میں موجود سامان کو آگ لگادی جس سے گھر کا سارا سامان جل کر خاکستر ہوگیا۔

نظام پور پولیس نے ایف آئی آر درج کرکے تحقیقات کا آغاز کردیا ہے، شہریوں کا کہنا ہےکہ نظام پور سمیت ضلع میں گزشتہ کئی روز سے چوری اور ڈکیتیوں کا سلسلہ بڑھ گیا ہے اور قانون نافذ کرنے والے ادارے مکمل امن و امان بحال کرنے میں ناکام ہیں