لاہورہائیکورٹ نے اراکین اسمبلی کی نا اہلی کی مدت 5 سال کرنے کے خلاف دائر درخواست پر فریقین کے دلائل سننے کے بعد فیصلہ محفوظ کرلیا۔

لاہور ہائیکورٹ میں اراکین اسمبلی کی نااہلی کی مدت 5 سال کرنے کے خلاف درخواست پرسماعت ہوئی، جسٹس شاہد بلال حسن نے شبیر اسماعیل کی درخواست پر سماعت کی۔

درخواست گزار کی جانب سے ایڈوکیٹ اظہر صدیق جبکہ کوفاقی حکومت کی جانب سے ایڈیشنل اٹارنی جنرل عدالت میں پیش ہوئے۔

ایڈیشنل اٹارنی جنرل مرزا نصر احمد نےعدالت سے مؤقف اختیار کیا کہ سپریم کورٹ آرٹیکل 232 کے حوالے سےفیصلہ دے چکی ہے۔

ایڈوکیٹ اظہر صدیق ایڈووکیٹ نے دلائل دیے کہ آرٹیکل 232 کے حوالے سے سپریم کورٹ کا کوئی فیصلہ نہیں آیا، آرٹیکل 232 کبھی چیلینج نہیں کیا گیا، یہ ترمیم بدنیتی کی بنیاد پر کی گئی ہے۔ یہ ترمیم نہیں ہو سکتی، اس کے لیے آئین میں ترمیم لازمی ہے، آرٹیکل 62 میں وقت کو مقرر نہیں کیا جا سکتا۔

عدالت نے ارکان اسمبلی کی نا اہلی کی مدت 5 سال کرنے کے خلاف دائر درخواست پر فریقین کے دلائل سننے کے بعد فیصلہ محفوظ کرلیا۔