لاہور ہائیکورٹ میں بانی پی ٹی آئی پر فائرنگ کیس کے مرکزی ملزم نوید بشیر کی درخواست ضمانت پر سماعت ہوئی ہے۔

لاہور ہائیکورٹ کی جسٹس عالیہ نیلم کی سربراہی میں دو رکنی بینچ نے کیس پر سماعت کی۔

درخواست میں موقف اختیار کیا گیا کہ تحریک انصاف نے بانی پی ٹی آئی کی ریلی پر خود فائرنگ کروائی اور الزام ملزم پر ڈال دیا۔

پولیس کے پاس ملزم نوید کیخلاف ایک بھی براہ راست ثبوت موجود نہیں ہے۔ تمام شریک ملزمان کی ضمانتیں ہوچکی ہیں۔

ڈیڑھ سال سے ملزم کے خلاف تفتیش مکمل ہوئی اور نہ ہی چالان ٹرائل کورٹ میں جمع ہوا لہذا عدالت ضمانت منظور کر کے رہا کرنے کا حکم دے۔

عدالت نے پراسکیوشن کو دو ہفتوں کیلئے نوٹس جاری کرتے ہوئے جواب طلب کر لیا۔