کراچی کے علاقے نارتھ کراچی سیکٹر گیارہ اے میں بجلی کی لوڈشیڈنگ کے خلاف علاقہ مکینوں نے احتجاج شروع کر دیا ہے۔

مظاہرین کا کہنا ہے کہ رمضان میں سحر وافطار کے اوقات میں بھی بجلی کو لوڈشیڈنگ کا سلسلہ بند نہیں ہوا ہے۔

نارتھ کراچی کے سیکٹر 11 اے میں کیے جانے والے احتجاج میں بچوں اور خواتین سمیت عوام کی بڑی تعداد موجود ہے۔

دوسری جانب مظاہرین نے مرکزی شاہراہ کو ٹریفک کے لیے بلاک کر دیا ہے۔

جبکہ پولیس کی نفری کو بھی ناخوشگوار واقعہ سے نمٹنے کے لیے طلب کر لیا گیا ہے۔