وہاڑی میں دوران ڈکیتی مزاحمت پر ڈاکوؤں کی فائرنگ سے وکیل جاں بحق ہوگیا۔

پاکپتن کینال 22 والے پل کے قریب مبینہ ڈکیتی کی واردات ہوئی۔

پولیس کے مطابق وہاڑی میں دوران ڈکیتی مزاحمت پر ڈاکوؤں نے فائرنگ کردی، جس سے مقامی وکیل جاں بحق ہو گیا۔

اس حوالے سے پولیس نے مزید بتایا کہ ڈاکو ناکہ لگا کر لوٹ مار کر رہے تھے اور فائرنگ کے بعد فرار ہوگئے۔

واقعہ کے بعد وکیل کی لاش کو پوسٹ مارٹم کے لیے اسپتال منتقل کیا گیا۔

پولیس کا کہنا ہے کہ ملزمان کی گرفتاری کے لیے چھاپے مارے جارہے ہیں۔

افسوسناک واقعہ کے بعد ورثاء غم سے نڈھال ہیں۔