پشاور میں وزیراعلیٰ خیبر پختونخوا علی امین گنڈا پور کی زیر صدارت محکمہ جنگلات، ماحولیات اور جنگلی حیات کے متعلق اجلاس ہوا، وزیراعلیٰ خیبرپختونخوا علی امین خان گنڈا پور نے صوبے میں جنگلات کے رقبے میں اضافے کے لئے اہم قدم اُٹھایا۔

وزیراعلیٰ خیبر پختونخوا علی امین گنڈا پور نے بلین ٹری پلس منصوبہ شروع کرنے کا فیصلہ کرتے ہوئے متعلقہ حکام کو ہوم ورک مکمل کرنے کی ہدایت کر دی۔

وزیر اعلیٰ نے متعلقہ حکام کو جنگلات کی کٹائی روکنے حقیقت پسندانہ لائحہ عمل تیار کرنے اور محکمے کا ریونیو بڑھانے کے لئے ٹھوس اقدامات کی بھی ہدایت کی۔

وزیر اعلیٰ نے اجلاس میں کہا کہ ٹمبر کی اسمگلنگ پر کڑی نظر رکھنے کے لئے چیک پوسٹوں پر سی سی ٹی وی کیمرے نصب کیے جائینگے۔

اجلاس میں صوبائی وزیر جنگلات فضل حکیم اور پرنسپل سیکرٹری امجدعلی خان کے علاوہ دیگر اعلی حکام موجود تھے۔