اسلام آباد ہائیکورٹ نے بانی پی ٹی آئی سے ملاقات نہ کروانے پر توہین عدالت درخواست پر اڈیالہ جیل سپرینٹنڈنٹ کو نوٹس جاری کردیا۔ عدالت نے سپرینٹنڈنٹ کو 15 مارچ کیلئے نوٹس جاری کیا۔

سپرینٹنڈنٹ اڈیالہ جیل کیخلاف توہین عدالت کی درخواست پر اسلام آباد ہائیکورٹ میں سماعت ہوئی۔

جسٹس سمن رفعت امتیاز نے علامہ ناصرعباس کی درخواست پر سماعت کی۔

درخواست گزار کے وکیل نے کہا کہ اسلام آباد ہائیکورٹ نے بانی پی ٹی آئی سے ملاقات کے احکامات جاری کیے۔

انھوں نے کہا کہ سپرینٹنڈنٹ اڈیالہ جیل نے جان بوجھ کر حکم عدولی کرتے ہوئے عمران خان سے ملاقات نہیں کروائی۔

وکیل نے کہا کہ سپرینٹنڈنٹ اڈیالہ جیل کیخلاف توہین عدالت کی کارروائی کی جائے۔

جس کے بعد اسلام آباد ہائیکورٹ نے سپرینٹنڈنٹ اڈیالہ جیل کو نوٹس جاری کردیا۔

عدالت نے سپرینٹنڈنٹ اڈیالہ جیل کو 15 مارچ کیلئے نوٹس جاری کردیا۔