پنجاب کے وزیر ملک فیصل ایوب کھوکھر نے کھیلوں کیلئے صحت کا بجٹ کم کرنے کا عندیہ دیدیا۔

لاہور میں پریس کانفرنس کرتے ہوئے ملک فیصل ایوب نے کہا کہ کہا کہ میری کوشش ہے کہ وزارت کھیل کو سب سے زیادہ فعال بنائیں، پنجاب کے ہر بچے کو کھیل کی سہولیات فراہم کرینگے۔

انھوں نے ایتھلیٹ ارشد ندیم کو نیا جیولین خرید کر دینے کا اعلان بھی کیا۔

ان کا کہنا تھا کہ لاہورکی طرح تمام شہروں میں خوبصورت اسپورٹس کمپلیکس بنائیں گے، اس وقت ہمارے ہیلتھ میں سب سے زیادہ بجٹ لگ رہا ہے، اسپورٹس پر بجٹ کم لگ رہا ہے، ہم کھیلوں پر زیادہ بجٹ خرچ کرکے ہیلتھ کے بجٹ کو کم کرینگے۔

ملک فیصل نے کہا کہ ہم اپنی روایتی گیمز کو فروغ دینے کیلئے اقدامات کرینگے، وزیراعلی پنجاب مریم نواز نے بھرپور فنڈز دینے کی یقین دہانی کرائی ہے، ہم پنجاب سے اولمپک کےلئے کھلاڑیوں کو تیار کرینگے۔