خصوصی عدالتوں میں شہریوں کے ٹرائل سے متعلق اپیلیں جلد مقرر کرنے کیلئے سپریم کورٹ میں درخواست دائر کردی گئی۔

اعتزاز احسن کے وکیل لطیف کھوسہ کی جانب سے دائر کی گئی درخواست میں کہا گیا کہ پانچ رکنی لارجر بینچ نے خصوصی عدالتوں کے خلاف فیصلہ دیا، فیصلے کے خلاف وفاق اور صوبوں کی طرف سے انٹرا کورٹ اپیلیں دائر کی گئیں۔

درخواست میں کہا گیا کہ انٹرا کورٹ اپیل میں چھ رکنی بینچ نے خصوصی عدالتوں کے خلاف فیصلہ معطل کردیا، خصوصی عدالتوں کا معاملہ اہم نوعیت کا ہے۔

درخواست میں استدعا کی گئی کہ انٹرا کورٹ اپیلوں کو 18 مارچ کے عدالتی ہفتہ میں سماعت کیلئے مقرر کیا جائے۔