نیوزی لینڈ کرکٹ ٹیم کے دورہ پاکستان کے پیش نظر نیوزی لینڈ سیکیورٹی وفد نے پنڈی کرکٹ اسٹیڈیم کا دورہ کیا اور سیکیورٹی انتظامات پر بریفنگ لی۔

نیوزی لینڈ کرکٹ بورڈ کے 2 رکنی سیکیورٹی وفد جن میں نیوزی لینڈ پلیئرز ایسوسی ایشن کے چیف ایگزیکٹو ہیتھ ملز اور سیکیورٹی کنسلٹنٹ ریگ ڈکاسن شامل تھے، ان کو پاکستان کرکٹ بورڈ اور سیکیورٹی حکام نے بریفنگ دی۔

سیکیورٹی وفد نے پنڈی کرکٹ اسٹیڈیم کے مختلف حصوں کا دورہ بھی کیا جبکہ کیوی وفد لاہور میں قذافی اسٹیڈیم کا بھی دورہ کرے گا۔

نیوزی لینڈ کی ٹیم آئندہ ماہ 5 ٹی 20 میچزکے لیے پاکستان کا دورہ کرے گی، میچز لاہور اور راولپنڈی کرکٹ اسٹیڈیم میں کھیلے جائیں گے۔