لاہور میں پولیس اہلکاروں نے کمسن بچے پر مبینہ طور پر تشدد کیا ہے۔ واقعے کی سی سی ٹی وی منظر عام پر آ گئی۔ وزیراعلیٰ پنجاب نے نوٹس لیتے ہوئے سی سی پی او لاہور سے رپورٹ طلب کر لی۔

لاہور میں مغلپورہ پولیس اہلکار آپے سے باہر ہوگئے اور 12 سالہ بچے پر مبینہ تشدد کیا۔

واقعے کی سی سی ٹی وی فوٹیج منظر عام پر آگئی ہے جس میں اہلکاروں کو تشدد کرتے دیکھا جاسکتا ہے۔

اطلاعات کے مطابق بچہ والدہ کے ساتھ دوائی لینے گیا تھا ، پولیس اہلکاروں نے بچے سے پوچھ گچھ شروع کر دی۔ بچے نے پولیس سے پوچھ گچھ کی وجہ پوچھی تو تشدد شروع کردیا۔

وزیر اعلیٰ پنجاب مریم نواز نے واقعہ کا نوٹس لیتے ہوئے سی سی پی او سے رپورٹ طلب کرلی۔