امریکا اور روس کے مصنوعی سیارے آج رات کسی وقت متصادم ہونے والے ہیں۔ خلائی تحقیق کے امریکی ادارے ناسا نے اس حوالے سے تمام ممکنہ تیاریاں مکمل کرلی ہیں۔

زمین سے 600 کلومیٹر کی بلندی پر ٹکرانے والے مصنوعی سیاروں میں ناسا کا مشن TIMED اور روس کا Cosmos 2221 شامل ہیں۔

اتنی بلندی پر دو مصنوعی سیاروں کے تصادم سے اچھا خاصا ملبہ زمین کی طرف آسکتا ہے۔ امریکی محکمہ دفاع نے اس ممکنہ تصادم پر نظر رکھی ہوئی ہے۔

بعض اندازوں کے مطابق دونوں مصنوعی سیارے ایک دوسرے کے بہت قریب سے گزریں گے۔ پھر بھی امریکا اور روس کے متعلقہ اداروں نے خلا کے اس ممکنہ ایونٹ پر گہری نظر رکھی ہوئی ہے اور متعلقہ تیاریاں بھی مکمل کرلی گئی ہیں۔

تصادم کی صورت میں پیدا ہونے والا ملبہ مدار میں موجود دیگر مصنوعی سیاروں کے لیے بھی مشکلات پیدا کرسکتا ہے۔

ناسا کا مشن زمین کے ماحول کی اوپری تہہ میموسفیئر پر سورج کی روشنی اور انسانی سرگرمیوں ک مطالعے اور زمین اور خلائے بسیط کے درمیان گیٹ وے کا کردار ادا کرنے والی نچلی تہہ تھرموسفیئر یا آینوسفیئر پر انسانی سرگرمیوں کے اثرات کا جائزہ لینے کے لیے بھیجا گیا تھا۔