لاہور کے علاقے ستوکتلہ ڈکیتی کے دوران ملزمان نے انتہائی سفاکی سے گھر کے مالک کو قتل کردیا اور فرار ہوگئے۔

واردات چار ڈاکوؤں نے کی۔ جب ڈاکو گھر میں داخل ہوئے تو صاحبِ خانہ آصف بٹ نے مزاحمت کی۔ ڈاکوؤں نے مشتعل ہوکر اسے قتل کردیا۔

فرار ہوتے وقت ڈاکو گھر میں موجود دو گاڑیاں بھی لے گئے۔

اس سنگین واردات کی اطلاع ملنے پر پولیس نے موقع پر پہنچ کر لاش کو پوسٹ مارٹم کے لیے بھجوایا۔

پولیس نے گھر کے آس پاس لگے ہوئے سی سی ٹی وی کیمروں کی فوٹیج کی مدد سے تفتیش شروع کردی ہے۔