سینیٹ انتخابات الیکٹورل کالج مکمل ہونے کے بعد منعقد ہوں گے، جبکہ صدر مملکت کا انتخاب سینیٹ انتخابات کے بعد منعقد ہوگا۔

ذرائع کا کہنا ہے کہ سینیٹ کے آدھے اراکین 11 مارچ کو ریٹائر ہوجائیں گے، سینیٹ انتخابات 10 مارچ سے پہلے منعقد ہوں گے۔

ذرائع کے مطابق سینیٹ کا جاری اجلاس 8 مارچ تک چلتا رہے گا۔

ذرائع کا کہنا ہے کہ چاروں صوبائی اسمبلیوں اور قومی اسمبلی کے اراکین کے حلف مکمل ہونے کے ساتھ ہی سینیٹ انتخابات کا شیڈول جاری ہوجائے گا۔

صدر مملکت کا انتخاب سینیٹ انتخابات کے بعد منعقد ہوگا، صدر کا الیکٹورل کالج قومی اسمبلی، سینیٹ اور چاروں صوبائی اسمبلیوں پر مشتمل ہے۔

صدارتی انتخابات کے شیڈول کا اعلان الیکٹورل کالج مکمل ہونے کے بعد الیکشن کمیشن کرے گا۔