امریکہ کے مگرمچھ کے پیٹ میں سکے موجود ہونے پر چڑیا گھر میں کھلبلی مچ گئی، دوران آپریشن مگرمچھ کے پیٹ سے 70 سکے باہر نکال لیے گئے۔

غیر ملکی میڈیا کی رپورٹ کے مطابق امریکہ کے مقامی چڑیا گھر میں موجود نایاب نسل کے سفید جلد والے مگر مچھ کو انتظامیہ نے تحویل میں لے لیا ہے۔

سفید جلد اور نیلی آنکھوں والے مگرمچھ کے پیٹ میں سکوں کی موجودگی کی اطلاع پر عملے کے فورا آپریشن کی تیاری کر لی تھی، جس کے بعد 70 سکے مگر مچھ کے پیٹ سے نکالے گئے۔

چڑیا گھر میں موجود 10 مگرمچھوں کے معمول کے مطابق بلڈ ٹیسٹ کے لیے خون لیا گیا تھا، بعدازاں ٹیسٹ میں سفید جلد والے مگرمچھ کے پیٹ میں سکے موجود ہونے کا انکشاف ہوا۔

دوسری جانب انتظامیہ نے شہریوں سے اپیل کی ہے کہ شہری پارک کے پانی میں کچرا اور دیگر چیزیں نہ پھینکیں، اس سے مگرمچھوں سمیت دیگر جانوروں کی صحت خطرے میں پڑ سکتی ہے۔