وفاق اور بلوچستان میں معاملات طے کرنے کے بعد پنجاب میں حکومت سازی کے لیے پاکستان مسلم لیگ (ن) کی پارلیمانی پارٹی کا پہلا اجلاس آج ہوگا۔

مسلم لیگ (ن) پنجاب کی پارلیمانی پارٹی کا پہلا اجلاس آج دوپہر 2 بجے راؤنڈ میں ہوگا، جس کی صدارت نامزد وزیر اعلیٰ مریم نواز کریں گی۔

اجلاس میں پنجاب سے منتخب ہونے والے لیگی اراکین اسمبلی شرکت کریں گے جبکہ مریم نواز شریف پارلیمانی پارٹی سے خطاب کریں گی۔

ذرائع کے مطابق اجلاس میں پنجاب اسمبلی کے اجلاس کے حوالے سے حکمت عملی طے کی جائے گی جبکہ حکومت سازی، اسپیکر، ڈپٹی اسپیکر کے انتخاب بارے مشاورت ہوگی، تمام نو منتخب لیگی ارکان پنجاب اسمبلی کو پارلیمانی پارٹی کے اجلاس میں لازمی شرکت کی ہدایت کر دی گئی۔