لاہور میں ہنجروال اسٹیشن کے قریب زیر تعمیر عمارت گرگئی۔ ریسکیو ٹیم کے مطابق ملبے تلے دب کر دو سالہ بچی فضا جاں بحق ہو گئی۔

مزدور چھت ڈال رہے تھے کہ اس دوران زیر تعمیر عمارت زمین بوس ہوگئی۔

اس حوالے سے ذرائع نے بتایا کہ ملبہ گرنے سے عمارت کے بائیں جانب گھر کے افراد متاثر ہوئے۔

متاثرہ فیملی کے 3 افراد زخمی ہوئے، ایک کو موقع پر فرسٹ ایڈ دی گئی۔

زخمی ہونے والے دیگر 2 زخمیوں کو طبی امداد کیلئے اسپتال منتقل کیا گیا۔

ریسکیو 1122 کے مطابق عمارت کا سرچ آپریشن مکمل کرلیا گیا۔