ملک میں جاری سیاسی تناؤ کے باعث سرکاری افسران کے حق میں مریم نواز بول پڑیں، اپنے بیان میں انہوں نے سرکاری افسران کو دھمکانے والوں کو تنبیہہ کر دی ہے۔

سوشل میڈیا پر صحافی کی خبر پرری پوسٹ کرتے ہوئے وزیراعلیٰ پنجاب کے لیے نامزد مریم نواز کا کہنا تھا کہ بیوروکریسی کو قانون شکنی پر اکسانے والوں کو قانون کے مطابق نمٹیں گے۔

مریم نواز کا کہنا تھا کہ بیوروکریس کو دھمکیوں کا مطلب ریاستی نظام میں انتشار پیدا کرنا ہے، جس کی کھلی چھوٹ تباہی کو دعوت دینا ہے۔

مریم کا مزید کہنا تھا کہ افسران گھبرائیں نہیں دھمکیوں سے مرعوب نہ ہوں، قانون کے مطابق اپنے فرائض سرانجام دیں۔

تنبیہہ کرتے ہوئے مریم نوازنے کہا افسران کی سلامتی کو خطرے میں ڈالا گیا تو آہنی ہاتھوں سے نمٹا جائے گا، افسران کی سیکیورٹی یقینی بنائیں گے۔