خیبرپختونخوا کی تحصیل مالاکنڈ میں وزیر اعلیٰ خیبرپختونخوا کے سیکیورٹی انچارج پر حملہ ہوا ہے جس میں سیکیورٹی انچارج وکیل خان بیٹے اور ساتھی سمیت جاں بحق ہوگئے۔

لیویز ذرائع کے مطابق فائرنگ سے وکیل خان کے ایک بیٹے سمیت دو افراد زخمی ہوئے، لاشوں اور زخمیوں کو ٹی ایچ کیو اسپتال درگئی منتقل کردیا گیا ہے۔

لیویز ذرائع کے مطابق مقتولین دو موٹرسائیکلوں پر گھر جارہے تھے کہ ان پر نامعلوم افراد نے فائرنگ کی۔

ذرائع کے مطابق ایک موٹرسائیکل پر وکیل خان اپنے دونوں سمیت سوار تھے، جبکہ دوسری بموٹر سائکل پر ان کا ایک ساتھی سوار تھا۔

مقتول وکیل خان کے بھائی کو خبر ملی تو وہ صدمہ برداشت نہ کرسکے اور دل کا دورہ پڑنے سے انتقال کرگئے۔

فائرنگ کے واقعے کے بعد علاقہ مکینوں نے درگئی میں احتجاج کرتے ہوئے روڈ بلاک کردیا۔