مسلم لیگ (ق)، پیپلز پارٹی، ایم کیو ایم پاکستان، مسلم لیگ (ق)، استحکام پاکستان پارٹی اور بلوچستان عوامی پارٹی (باپ) نے منگل 13 فروری کی رات رہنما مسلم لیگ (ق) کے رہنما چوہدری شجاعت حسین کی رہائش گاہ پر جمع ہوکر مرکز میں حکومت سازی کے لیے 6 جماعتی منصوبے کا اعلان کیا ۔

اسے حکمران اتحاد نہیں کہا جاسکتا کیونکہ عام انتخابات میں دوسری اکثریتی جماعت پیپلز پارٹی کا کہنا ہے کہ وہ حکومت میں شامل نہیں ہوگی تاہم پی پی نے مسلم لیگ (ن) کے کسی فرد کو وزیر اعظم منتخب کرنے کے لیے اپنے 54 ووٹوں کی پیش کش کی ہے۔

قومی اسمبلی میں مسلم لیگ (ن) کی 75، پیپلز پارٹی کی 54، ایم کیو ایم پاکستان کی 17، مسلم لیگ (ق) کی 3 اور استحکام پاکستان پارٹی کی 2 جبکہ بلوچستان عوامی پارٹی کی ایک نشست 152 ہے۔

مسلم لیگ (ن)، پیپلز پارٹی، ایم کیو ایم پی اور مسلم لیگ ق کو بھی خواتین اور اقلیتوں کے لیے مخصوص نشستوں میں حصہ ملے گا۔

پنجاب، سندھ اور بلوچستان سے قومی اسمبلی میں خواتین کی مخصوص نشستیں ممکنہ طور پر اس 6جماعتی گروپ کو ملیں گی، تاہم اگر پی ٹی آئی کے حمایت یافتہ امیدوار مجلس وحدت المسلمین میں شمولیت اختیار کرتے ہیں تو خیبرپختونخوا سے خواتین کی 10 مخصوص نشستوں میں سے زیادہ تر پی ٹی آئی کو مل سکتی ہیں۔

آئین کے آرٹیکل 51 کے تحت سیاسی جماعتیں کسی مخصوص صوبے میں قومی اسمبلی کی نشستوں اور اس صوبے کے لیے مخصوص نشستوں کے کوٹے کی بنیاد پر مخصوص نشستیں حاصل کرتی ہیں۔ پنجاب میں خواتین کی 31، کے پی میں 10، سندھ میں 14 اور بلوچستان میں 4 نشستیں ہیں۔

چونکہ مجلس وحدت المسلمین نے خیبرپختونخواہ سے ایک نشست حاصل کی ہے اور تکنیکی طور پر یہ ایم ڈبلیو ایم ہوگی نہ کہ پی ٹی آئی جو قومی اسمبلی میں سب سے بڑی جماعت کے طور پر ابھرے گی ، لہذا وہ صرف کے پی اور دیگر صوبوں سے خواتین کی مخصوص نشستیں حاصل کرسکتی ہے۔

پی ٹی آئی کے پاس کے پی سے 39 نشستیں ہیں اور ایم ڈبلیو ایم کی ایک نشست کے ساتھ یہ تعداد 40 بنتی ہے۔ یہ پارٹی کو خواتین کیلئے 10 نشستوں میں سے 8حاصل کرنے کی اجازت دیتا ہے۔

اسی طرح پی ٹی آئی یا ایم ڈبلیو ایم اقلیتی نشستوں میں سے زیادہ تر حاصل کر سکتی ہیں جو عام طور پر کسی جغرافیائی پابندیوں کے بغیر قومی اسمبلی میں 3 بڑے گروہوں کو جاتی ہیں۔

70مجموعی طور پر مخصوص نشستوں میں سے 58 نشستیں چھ جماعتی گروپ اور 12 پی ٹی آئی/ ایم ڈبلیو ایم کو مل سکتی ہیں۔

حکومتوں میں گھُس بیٹھنے والوں کو خبردار کرتا ہوں اس مِس ایڈونچر سے گریز کریں، عمران خان

اس طرح حکمراں گروپ کی مجموعی تعداد 210 ہو جائے گی۔ یہ آئین میں ترمیم کے لیے درکار دو تہائی اکثریت سے کچھ کم ہے۔

336 رکنی ایوان میں دو تہائی اکثریت کی حد 112 ہے۔ لہٰذا حکمراں گروپ وہاں موجود ہو گا لیکن جے یو آئی (ف) کی حمایت کے ساتھ ، جس نے اب تک یہ عندیہ دیا ہے کہ وہ حکمران گروپ میں شامل نہیں ہوگی - مسلم لیگ (ن) کی قیادت والی حکومت آئین میں ترمیم کرنے میں کامیاب ہوجائے گی۔