پاکستان مسلم لیگ (ن) کے سیکریٹری جنرل اور سابق وفاقی وزیر احسن اقبال نے کہا ہے کہ نواز شریف ہی وزارت عظمیٰ کے امیداوار ہیں، پی پی سے ملکر حکومت بنا سکتے ہیں۔

آج نیوز سے خصوصی گفتگو میں احسن اقبال نے کہا کہ قوم نے مسلم لیگ ن کو سب سے زیادہ مینڈیٹ دیا، یہ تاثر غلط ہے کہ تمام آزاد امیدوار پی ٹی آئی کے ہیں۔

انھوں نے کہا کہ 15 آزاد امیدوار وہ ہیں جو مسلم لیگ ن کے ٹکٹ کے خواہش مند تھے، یہ آزاد امیدوار مسلم لیگ ن کو بہت جلد جوائن کریں گے۔

احسن اقبال نے کہا کہ مرکز اور پنجاب میں مسلم لیگ ن سب سے بڑی پارٹی ہے، مسلم لیگ ن کے پاس حق ہے وہ مرکز میں حکومت بنائے، پارٹی ممبران کا یہی ماننا ہے کہ نوازشریف وزیراعظم ہوں۔

یہ بھی پڑھیں :

پیپلز پارٹی اور ن لیگ کے درمیان مشترکہ حکومت سازی پر اتفاق ہوگیا

بھارتی میڈیا نے حکومت سازی کیلئے ’نواز زرداری ملاقات‘ کا دعویٰ کردیا

ان کا کہنا تھا کہ ہم نے ریاست بچانے کے لیے سیاسی قیمت ادا کی، سیاسی قیمت کی وجہ سے بعض نشستیں ہم نہیں جیت سکے۔