بھارت کی ریاست تلنگانہ میں ایک نوجوان نے گھر والوں کی مرضی سے شادی پر رضامند ہونے پر گرل فرینڈ کو قتل کردیا۔

یہ واقعہ جمعرات کی دوپہر ضلع نرمل میں رونما ہوا۔ جکانتی سری کانت الیکھیہ سے پیار کرتا تھا اور اس سے شادی کا خواہاں تھا مگر جب الیکھیہ نے گھر والوں کی پسند کے مطابق شادی پر رضامندی ظاہر کردی تو وہ مشتعل ہوگیا۔

گزشتہ روز الیکھیہ اپنی بہن کے ساتھ ایک قریبی انسٹیٹیوٹ سے واپس آرہی تھی کہ راستے میں جکانتی سری کانت نے کلہاڑی کے وار کرکے اُسے مار ڈالا۔ الیکھیہ کی بہن بھی اس واقعے میں شدید زخمی ہوئی۔

خاناپور نامی قصبے میں رونما ہونے والے واقعے میں الیکھیہ نے موقع ہی پر دم توڑ دیا۔ واردات کے بعد جکانتی سری کانت فرار ہوگیا۔