پولنگ کے ماحول کو پُرامن رکھنے کی خاطر الیکشن کمیشن کی درخواست پر ملک بھر میں کوئک ریسپانس فورس کے ایک لاکھ 6 ہزار 942 اہلکار تعینات کیے گئے ہیں۔

23 ہزار 940 سیکیورٹی اہلکار بھی الیکشن ڈیوٹی دیں گے۔

مجموعی طور پر پاک فوج اور سول آرمڈ فورسز کے ایک لاکھ 30 ہزار 882 اہلکار پولنگ کے دوران کسی بھی ناخوش گوار واقعے کی روک تھام کے لیے ڈیوٹی دیں گے۔

ملک بھر میں پولیس کے 4 لاکھ 65 ہزار 736 اہلکاروں کو الیکشن ڈیوٹی سونپی گئی ہے۔

الیکشن کے موقع پر امن برقرار رکھنے کے لیے فوج، امن و امان کی صورتحال برقرار رکھنے کیلئے مجموعی طور پر فوج، سول آرمڈ فورسز اور پولیس کے 5 لاکھ 96 ہزار 618 اہلکار تعینات کیے جارہے ہیں۔

پنجاب میں انتخابی عمل کو پُرامن بنانے کے لیے پولیس کے 2 لاکھ 16 ہزار اہلکار تعینات کیے جائیں گے۔

سندھ میں 110720، خیبرپختونخوا میں 92535 اور بلوچستان میں 46481 پولیس اہلکار الیکشن ڈیوٹی دیں گے۔