لاہور: پاکستان سپر لیگ (پی ایس ایل) 9 کی سکیورٹی کیلئے ایس ایس جی کمانڈوز طلب کیے گئے ہیں۔

ذرائع کے مطابق رینجرز کی ایک کمپنی بھی میچز کی سکیورٹی کے لیے طلب کی گئی ہے۔

لیگ کے میچز کے لیے رینجرز کے ساتھ فوج بھی طلب کی گئی ہے۔

اس حوالے سے ذرائع نے دعویٰ کیا کہ فوج کی لائٹ کمانڈو بٹالین طلب کی گئی ہے۔ ایس ایس جی کمانڈوزکی ایک پلاٹون مانگی گئی ہے۔

ذرائع کا یہ بھی کہنا ہے کہ پی ایس ایل کی فضائی نگرانی کیلئے ہیلی کاپٹر بھی مانگا گیا ہے۔