برطانوی بادشاہ چارلس سوئم کینسر میں مبتلا ہوگئے۔ برطانوی وزیراعظم رشی سوناک نے اپنی ٹویٹ میں کنگ چارلس کی جلد صحتیابی کیلئے نیک خواہشات کا اظہار کیا۔

بکنگھم پیلس کے بیان کے مطابق برطانوی بادشاہ چارلس کینسر میں مبتلا ہوگئے ہیں، بادشاہ کا پیر کو باقاعدہ علاج شروع کردیا گیا ہے، وہ اپنے علاج کے بارے میں مکمل پراُمید اور جلد اپنی عوامی ڈیوٹی پر واپس آنے کے منتظر ہیں۔

یادر ہے کہ کنگ چارلس III نے بتایا ہے کہ انہیں کینسر ہے۔ شاہی خاندان کی طرف سے باضابطہ طور پر جاری کردہ اعلان پیر 5 فروری کی شام 6 بجے کیا گیا۔

کنگ کو گزشتہ پیر کو لندن کلینک سے ڈسچارج کیے جانے کے بعد یہ بات سامنے آئی کہ انھیں کینسر ہے۔

برطانوی بادشاہ چارلس سوئم نے بڑھے ہوئے پروسٹیٹ کا علاج کروایا تھا جس میں انھیں صحت یاب ہونے میں تین دن لگے۔

بکنگھم پیلس کے مطابق یہ پروسٹیٹ کینسر نہیں لیکن بیان میں کینسر کی قسم یا اسکی اسٹیج کے بارے میں تفصیلات شیئر نہیں کی گئیں۔

واضح رہے کہ بادشاہ چارلس صحت یاب ہونے کیلئے اپنے سرکاری کاموں سے ایک ماہ کی چھٹی لے سکتے ہیں۔