ڈسٹرکٹ مانیٹرننگ افیسر پشین کی جانب سے پی بی 49 کے امیدوار کو انتخابی ضابطہ اخلاق کی خلاف ورزی پر 25000 جرمانہ اور ڈپٹی کمشنر کمپلکس پشین کے مسجد کے پیش امام کو انتخابی ضابطہ اخلاق کی پابندی کا نوٹس جاری کردیا گیا۔

ڈسٹرکٹ مانیٹرننگ افیسر پشین فیض اللہ شاہ کی جانب سے پی بی 49 پشین تھری کے امیدوار ظفر اللہ آغا کو انتخابی ضابطہ اخلاق کی خلاف ورزی پر 25000 جرمانہ عائد کیا گیا اور ہدایت کی گئی ہے کہ جرمانے کی رقم جلد جمع کرا دیں، بصورت دیگر قانونی کاروائی عمل میں لائی جائے گی۔

دریں اثنا ڈپٹی کمشنر کمپلکس پشین کے مسجد کے پیش امام کو انتخابی ضابطہ اخلاق کی پابندی کا نوٹس جاری کر دیا اور 2 دن میں جواب طلب کیا گیا ہے۔

واضح رہے کہ انتخابی ضابطہ اخلاق کے پیرا 9 کے مطابق کوئی بھی سرکاری ملازم کسی سیاسی جماعت کے حق میں بیان جاری نہیں کر سکتا۔