لاہور ہائیکورٹ نے صحافی عمران ریاض کی پی این آئی ایل لسٹ سے نام نکلوانے کے لیے درخواست پر اعتراض ختم کر دیا۔

جسٹس علی باقر نجفی نےصحافی عمران ریاض کی درخواست پر سماعت کی ، درخواست میں وفاقی حکومت سمیت دیگر کو فریق بنایا گیا ہے۔

وکیل کیجانب سے استدعا کی گئی کہ درخواست گزار نے عمرے پر جانا ہے، آج ہی سماعت کرکےآرڈر جاری کیا جائے۔

عمران ریاض کے وکیل نے عدالت میں کہا کہ ادارے والے کہتے ہیں کہ عمران ریاض خان کا نام پی این ایل آئی لسٹ میں نام ہے، لسٹ فراہم نہیں کی گئی جس کی وجہ سے درخواست کے ساتھ نہیں لگا سکے۔

وکیل کے مطابق خط لکھا اور ای میلز بھی کیں لسٹ فراہم نہیں کی گئی،

عدالت نے عمران ریاض سے استفسار کیا کہ آپ نے باہر جانے کی کوشش کی جس پر آپ کو روکا گیا؟ اس پر عمران ریاض نے بتایا کہ جی پہلے گیا لیکن ائرپورٹ پر روک لیا گیا۔

عدالت نے اپنے ریمارکس میں کہا کہ معاملے کو جوڈیشل سائیڈ پردیکھا جائے۔

لاہور ہائیکورٹ کی جانب سےرجسٹرار آفس کو درخواست پر نمبر لگانے کی ہدایت کر دی گئی۔