فرانس نے روس کا یہ الزام مسترد کردیا ہے کہ یوکرین کی طرف سے اس کے فوجی بھی لڑ رہے ہیں۔

فرانسیسی وزارتِ خارجہ نے ایک بیان میں کہا کہ فرانس کا کوئی بھی باشندہ یوکرین سمیت دنیا بھر میں فرانس کے سوا کسی ملک کی طرف سے لڑائی میں شریک نہیں۔

فرانسیسی وزارت خارجہ کا کہنا ہے کہ روس معاملات کو کوئی اور رخ دینے کے لیے اس قسم کے دعوے کر رہا ہے۔

روسی وزارتِ خارجہ نے الزام لگایا ہے کہ اس نے یوکرین کے علاقے خارکیف میں 16 دسمبر کے حملے میں فرانس سمیت کئی ملکوں کے درجنوں رضاکاروں کو موت کے گھاٹ اتارا۔

خارکیف ریجن کے گورنرنے کہا ہے کہ روسی فوج نے جن علاقوں پر حملہ کیا وہاں فوجی تعینات تھے نہ فوجی تنصیبات ہیں۔